تاريخ التسجيل : 01/01/1970
| موضوع: اليد المشوهه السبت أبريل 16, 2011 12:40 am | |
|
كان فى طفلة كانت بتضايق من ايد امها لانها كانت محروقة وشكلها وحش قوى وكانت بتتكسف منها قدام اصحابها ولو راحت لها المدرسة تزعل الام كانت عارفة لكن عمرها ما اتكلمت معاها فى اى حاجة لكن البنت زودتها قوى وفى يوم الام قالت لبنتها اية رايك فيا فردت البنت انت وشك جميل قوى يا ماما وانت حلوة لكن ايديكى منظرها مش حلو خالص فقالت الام انت عمرك ما سألتينى اية اللى حصل لايدك لكن انا دلوقتى هقولك
انت وصغيرة قوى كنت نايمة فى سريرك وكان فى شمعة منورة فى اوضتك هبت ريح من الشباك قلبت الشمعة على الارض النار مسكت فى السرير بتاعك وبسرعة بقيت تزيد انا حسيت بالنار وكنت لوحدى فضلت اصرخ محدش سمعنى ودخلت الاوضة ومديت ايدى وسط النار وشلتك وخرجت بيكى بسرعة وطبعا كنت مغطياكى انت لكن ايدى كانت مكشوفة ودة السبب اللى خلى منظر ايدى كدة سكتت البنت وحضنت مامتها حضن جامد وباست على ايدها وقالت لها انا مش قولتلك وشك جميل لكن اتضح ان ايديكى اجمل بكتيييير قوى وانا دلوقتى فخورة بأيديكى جدا جدا جدا.. واحنا كلنا بنعمل كدة بنشوف الحاجة من برة بس ونحكم على الناس انهم مش كويسين من مظهرهم الخارجى ياريت نتعلم ازاى نبص على الانسان من جوة مش من برة
| |
|